宮葉 パフェ (已結業)

又到左食lunch時間，去公司附近的宮葉，呢度除左有芭菲食之外，仲有拉麵食，lunch加＄８有水果茶，單買要＄３０。lunch有飯有麵俾你揀。櫻花蘋果果茶飲左一半先記得影相。有淡淡的櫻花味，唔係好甜，好多生果，茶味唔澀。飲哂Ｄ茶可以食埋生果，加＄８就有咁大杯，好抵飲。餐廳以木為主題，感覺好舒服。日本海鮮拉麵,$52。好多海鮮，好大舊魚，帆立貝，魷魚圈，糖心蛋半個，兩塊紫菜。湯底唔咸，食完唔口乾，無味精。豚肉拉麵＄５２三塊叉燒，唔算好薄，有口感，好多大蔥，糖心蛋好味。