MAZ Thai & BBQ (已結業)

每個打工仔每日最開心既moment，當然就係lunch time啦，可以break一break，抖啖氣，叉叉電，然後先至再面對下半日既工作~我地公司同事就暗地裡開左個group，可以開心share下lunch time好去處，有咩好食唔好食都可以一一分享，成為公司同事午餐搵食指標，好pro，真係做正經野又唔見大家咁好心機，haha……今日就孖住個好啱傾既同事第一次黎呢度食午餐，因為見唔少同事都有喺個group度討論，唔黎試下又點搭到嗲呢？翻開menu，選擇都幾多，最終我揀左泰式辣肉碎煎蛋飯，聽講呢個係泰國人勁鍾意食既comfort food，睇落簡簡單單，但食落就覺得好惹味，d肉碎幾好送飯，炒得香香辣辣，食得出有小辣椒同九層塔，一半肉碎一半飯咁mix埋一齊送入口就最好食，再食埋隻蛋，相當滿足，而且味道好正宗，完全可以幻想自己身在泰國，比身心放鬆下.同事就點左大蝦干撈麵，同事話大蝦肉質好彈牙，味道亦算鮮，撈麵好香口，我都忍唔住夾左啖試試，相當有口感，味道香濃，搞到我決定下次再黎都要叫呢個，哈哈，無計，隔離飯香嘛！