十八夢

今日黎到銅鑼灣既十八夢食午餐，我地黎到果陣已經坐無虛席，但呢度既食物質素真係好好！其中一個前菜係黑松露茶碗蒸，沙律，秋葵，蒸蛋嫩滑香噴噴，滑滑地既秋葵加上三文魚籽既口感好特別，沙律又夠晒新鮮，前菜絕對稱職😝之後就先黎主菜輕煎伊比利亞豬鞍架伴蘋果蓉，豬鞍雖然好厚好大塊，但絕對唔鞋口，肉質軟腍有肉汁，配埋甜甜地既蘋果蓉，好fresh好好味😋另一個主菜西京燒銀鱈魚定食同樣吸引，最先被吸引係擺碟好特別，啲魚好似被啲草吊起咁，仲有花瓣做點綴添💖銀鱈魚魚皮燒到香脆，魚油滲晒落魚肉，魚肉厚實鮮甜，驚太油膩就配埋白飯黎食，咁就岩岩好啦，飲埋麵豉湯就夠晒完滿🍱