桃園小品 (蘇豪東) (已結業)

打風後連續落左好多日雨, 難得今朝返工時有陽光😍所以同事們決定走遠少少去蘇豪東搵食, 雖然到食Lunch時間最終都係落雨, 但我地都係去左蘇豪東嘅桃園小品午飯。桃園園小品呢個位前身係一間酒樓, 樓底比較高, 空間感十足。店內有一些懷舊擺設。午市套餐包一杯飲品, 款色很多, 有幾十款, 好難揀🙈同事點的焗野菌咖哩雞扒飯, 份量好多。溫泉蛋焗咖哩牛坑腩飯味道唔錯, 牛腩夠腍, 又唔太辣, 撈埋芝士同蛋汁非常配👍咖哩薯仔牛腩比焗牛坑腩平1蚊, 我個人認為果1蚊抵俾🙈呢個豉椒牛肉炒脆麵真係非一般😂脆到卜卜聲。肥牛炒烏冬份量好多, 同事要打包一半走。呢度唔駛加一, Lunch60蚊左右, 價錢合理。