影片
更多
2016-06-13
1401 瀏覽
閒日入西貢行下食下晏, 諗住冇咁多人, 但原來都係咁多人, 除咗唔駛返工果d退休人士、外國人、街坊外, 仲有好多學生, 都行到差不多一點半, 諗住冇咁多人食晏, 但我地想食果間冇開, 又唔想山長水遠入嚟茶餐廳食, 就諗起呢度, 嚟到見到都坐到八八九九, 咁啱有張6人枱冇人坐, 但忙到乜都未執, 照坐住先, 原來樓上有一大班學生招呼緊, 但得2個伙計, 廚忙到暈, 好彩唔趕時間, 慢慢坐下~ 忌廉湯好彩個湯都唔算等得耐, 5分鐘左右都送到, 有湯飲住先~個湯唔會太杰或大稀, 啱啱好, 又唔會好勁cream味, 仲有少少蘑菇碎粒~ 牛油多士依舊係生命麵包, 一人一塊, 可惜冇蒜茸, 如果唔係香好多~ 香煎龍脷柳配意粉龍脷沾蛋漿煎, 所以煎香的部份唔係舊魚, 只係個蛋漿, 而且得半條, 可能午餐價錢平一半, 所以份量都係一半~ 唔知係咪煮好太耐, 冇人拎出嚟? 舊魚一d都唔熱, 只可叫做暖, 成碟嘢似茶餐廳出品, 完全唔似西餐廳出品, 好失望 熱檸水成壼上, 都有兩杯架, 所以d檸檬頭一轉唔好篤咁爛, 唔係唔夠兩杯分~我諗下次都未必會再食佢個午餐, 始終都係覺得佢晚餐做得好過
忌廉湯
忌廉湯
15 瀏覽
0 讚好
0 留言
個湯唔會太杰或大稀, 啱啱好, 又唔會好勁cream味, 仲有少少蘑菇碎粒~
牛油多士
牛油多士
22 瀏覽
0 讚好
0 留言
香煎龍脷柳配意粉
香煎龍脷柳配意粉
24 瀏覽
0 讚好
0 留言
熱檸水
熱檸水
27 瀏覽
0 讚好
0 留言
我諗下次都未必會再食佢個午餐, 始終都係覺得佢晚餐做得好過午餐, 可能午餐要趕要快, 晚餐會好好多~
張貼
