泰廚泰國菜館

營業中

休息中

星期日天氣幾好，行花園街睇吓狗仔同買啲寵物用品。行到3點鐘有啲肚餓，花園街來來去去都係茶餐廳同小食，未知食咩好之際，聞到有串燒香味嘅香氣，原來喺身後有間叫泰厨嘅泰國餐廳，就入去食嘢先，見到有下午茶餐仲有其食物。跟住嗌左三個茶餐一個湯同炒左個菜苗，串燒喺門口即刻燒嚟到嘅時候有焦香味，上枱時沙爹汁已在串燒上淋上，先試下個沙嗲汁先，因為嗰沙爹醬係串燒嘅靈魂，入口一試，應該自家制，串燒嘅豬肉Juice雞翼又入味，嗰醬真係冇得輸又香濃又有花生碎非常之正斗。豬肉生菜包都係最喜愛之一，肉碎份量都唔少附帶生菜非常之多，冬蔭湯隻大頭蝦都幾巨型下喎，肉質爽口鮮甜都幾有鮮味。湯底煮得酸度啱啱好仲有姑類香葉係裏頭。整體呢講呢間泰國餐廳可以再次幫襯。