九町屋

營業中

休息中

見新開未食過，午餐五十幾至六十幾，價錢唔貴。叫左午餐set 溫泉蛋雞扒飯，一上黎即刻好失望，雞扒得3塊，然後一堆茄汁同飯，仲有隻溫泉蛋... 因為得56蚊，唯有唔當日式野，當係快餐繼續食啦，因為佢個茄汁係大家樂窩蛋牛肉飯個隻汁，所以好自然會當佢係快餐。然後到塊雞扒，偏咸，最後係隻溫泉蛋，其實已經過熟，已經凝固到溏心蛋程度。不過整個午餐都係有優點，個飯量同茄汁好多，即使男士好肚餓都會夠飽，而且個汁足夠撈到最後一啖飯。另外就係杯飲品都係好大杯，係晚餐叫啤酒個種大杯，即使個飯多個雞咸需要飲好多水都好，都一定夠飲。不過總結黎講，56蚊食一個得三塊雞扒嘅茄汁飯，附近有其他更好選擇。