神石燒牛扒水產專門店 (如心廣場二期) (已結業)

這間神石燒經過幾次也見到好多人，好香好吸引，今天同事說想試，就馬上出動，門口玩一輪部落食物機先，仕應會先量體溫，輸入枱號(應該隨便輸)，我就試午餐，60元有好幾款，選了美國天然牛扒，同事叫了美國極級黑安格斯牛隔肌，追加一件鴨肝。可以入去坐了，自己揾位，然後出去拎飯，海帶湯，沙律，餐具，圍裙，沙律有4款汁，柚子醋，麻醬，意大利黑醋，千島醬。沙律正常，飯比較淋身，湯OK淡淡地肉汁也有好幾款選擇，岩鹽，生薑燒肉汁，燒肉汁仲有黑胡椒好快就拎得，仕應先係鐵板加上牛脂，放上牛扒，一拎開塊紙就炸炸聲。美國天然牛扒，份量剛剛好，勁香蒜片味道，牛扒有少少厚度。即刻切開佢，睇食評話鐵板好快就唔熱，有肉汁既，一切開就彈d汁出來，好容易切，好淋呀，係有少少根。我覺得好味，絕對對得起個價錢。牛隔肌，有一定既厚度，又係好淋身，一切就切開了。我試了一件，好juicy又好香，本身冇調味，加少少鹽已經好夠味。鴨肝也好正。非常欣賞這個壺，一倒汁就自動打開蓋的，好方便又衛生。