影片
更多
2017-11-14
57 瀏覽
荃灣大把嘢食就係人都知 但係甜品舖有午餐食你又知唔知呢 今日無意中發現悅來酒店隔離舖嘅呢間鋪有午餐食 仲要特惠時段有優惠價 包埋嘢飲好抵 十二點鐘嚟到 人唔係好多 得一兩枱客 所以坐得好舒服 側邊仲有自助花茶仼飲 我同男朋友今日超超超級肚餓 兩個人叫咗三個餐share食吞拿魚蘑菇意粉 唔係好大碟 但係意粉煮得軟硬適中 上面吞拿魚數量亦都唔少 加上蘑菇 真係啖啖都係料 配上忌廉汁真係好肥 睇黎又要做多啲運動啦 之後叫咗千島海鮮pizza 等咗大約十五分鐘到就嚟 應該係即刻焗 同埋係店家自己整嘅因為出面店舖搵唔到嘅方形pizza 好有趣 千島汁味唔係好濃 但係上面勁多勁多芝士 輕輕一拉好多拉絲 好邪惡呀 個pizza餅底好軟淋淋 係好食嘅 最後就叫咗個芝士煙火腿牛角配蟹柳沙律 牛角包好鬆好趣 仲係大大個 睇見都開心 入面夾住生菜蕃茄芝士加埋煙火腿 食落口感好夾 亦都有好清新嘅感覺 牛角包甜甜地中和返煙火腿嘅濃 跟餐叫咗個黑牛 朱古力雪糕配上冰底可樂 簡直係童年嘅回憶 都只係加七蚊抵到爛 食完正餐我哋傾左陣計 鋪頭都唔係好多人所以就坐耐咗 之後又有少少想食甜品就不如呢度食埋啦 叫咗個雪糕小
十二點鐘嚟到 人唔係好多 得一兩枱客 所以坐得好舒服 側邊仲有自助花茶仼飲
我同男朋友今日超超超級肚餓 兩個人叫咗三個餐share食
吞拿魚蘑菇意粉
唔係好大碟 但係意粉煮得軟硬適中 上面吞拿魚數量亦都唔少 加上蘑菇 真係啖啖都係料 配上忌廉汁真係好肥 睇黎又要做多啲運動啦
之後叫咗千島海鮮pizza
等咗大約十五分鐘到就嚟 應該係即刻焗 同埋係店家自己整嘅因為出面店舖搵唔到嘅方形pizza 好有趣 千島汁味唔係好濃 但係上面勁多勁多芝士 輕輕一拉好多拉絲 好邪惡呀 個pizza餅底好軟淋淋 係好食嘅
最後就叫咗個芝士煙火腿牛角配蟹柳沙律
牛角包好鬆好趣 仲係大大個 睇見都開心 入面夾住生菜蕃茄芝士加埋煙火腿 食落口感好夾 亦都有好清新嘅感覺 牛角包甜甜地中和返煙火腿嘅濃
跟餐叫咗個黑牛
朱古力雪糕配上冰底可樂 簡直係童年嘅回憶 都只係加七蚊抵到爛
食完正餐我哋傾左陣計 鋪頭都唔係好多人所以就坐耐咗 之後又有少少想食甜品就不如呢度食埋啦
叫咗個雪糕小丸子
小丸子好煙靭 加上芒果汁底好香 芒果就算唔係季節都好甜
鮮果窩夫
分量唔係好大 加上士多啤梨藍莓香蕉芒果好有誠意 一層一層咁 打卡影相一流
芝麻湯圓燉甜椰
芝麻湯圓細細粒入面嘅芝麻心 一咬落去就流出嚟 加上下面嘅椰皇燉蛋白好滑好香 椰皇肉蒸到透 用匙羹輕輕一不已經出曬黎
好食而且價錢唔貴
張貼
