茶木‧台式休閒餐廳 (已結業)

茶木都已經開了好一段時間，分店亦越開越多。以往都是幫襯旺角多，早前有段時間更限時45分鐘用餐，所以就無再幫襯。在將軍澳東港城商場行行，見到茶木，裝修和之前有些少不同，便再試試吧！沒有限時用餐了，可以慢慢品賞。午市套餐都算多選擇，如有幾個人可以一人叫一款share一齊食都可以。黑糖珍珠奶茶，跟餐加$9，味道偏甜，可能是用黑糖關係。不喜歡太甜的話記得要少甜或不用黑糖。珍珠口感亦硬咗少少，但都可接受。午市套餐就order咗牛肉麵+葱油雞。分量並不多，大食男一定唔飽。前菜的鹵水蛋好味，五香素鴨亦，微熱加脆口，雪菜毛豆偏咸，所以要放落麵一起食。葱油雞望落去應該已擺放了一段時間，但味道及肉質尚可(請不要和酒家比較)。至於麵就似刀削麵，麵質很滑，但可惜就唔夠，但牛肉就失望， 竟然用牛展，數量得一片咁大把……， 台灣牛肉麵應該用翻牛腩比較好……。我覺得雞的分量少一些，麵的分量反而多番一些就比較好啦。