西貢松記車仔麵

營業中

休息中

今日有啲事要去西貢處理，處理完後，差唔多食晏時間呀，當然要搵食。突然間好想食車仔麵，便入了一間松記車仔麵試下好唔好食。便柯打咗個車仔麵，有豬紅、豬皮、墨魚丸、魚皮餃、雞翼尖、泰式蝦餅。飲品阿華田雪山。麵係油麵，湯底係沙爹味。湯底好濃，豬紅好滑，豬皮好冧，最緊要係冇豬毛，沙嗲汁好入味。墨魚丸唔掂一啲都唔好食。魚皮餃大件好味。泰式蝦餅唔錯有啲冬陰功味。雞好夠冧，夠入味。飲品：阿華田雪山，好濃嘅阿華田味，好飲，貴啲成為26蚊。舖頭夠光猛。總結可：整體嚟講都可以一試。