Selfie Cafe (已結業)

一星期前幫襯過晚餐，店員推廣話佢地午餐同下午茶都好扺食，我諗晚餐都唔錯，試佢地個午餐，睇下會唔會偷工減料，將貨就價。我點了芝士焗南瓜龍利柳飯，午餐仲包括牛油果藜麥沙律，餐湯和飲品，$68價位唔算貴，但要睇下質素點先。(1) 餐湯磨菇忌廉湯，呢次份量比晚餐多👍🏻，味道唔錯，夠杰身磨菇味重(2) 牛油果藜麥沙律份量唔多，意大利醋底都幾酸，不過咬一口哈蜜瓜後，剛好中和晒，配上牛油果和藜麥兩味近來被喻為超級健康食物，口感好又健康，值得加分(3) 芝士焗南瓜龍利柳飯龍利柳一定唔會有咩鮮味，但肉質夠滑，芝士南瓜醬汁甜甜地易人口，南瓜味比芝士味重，中規中矩啦(4) 皇后奶茶一試難忘，茶味濃，奶味一啲都唔會蓋過茶味，只覺得係飲緊一杯香滑紅茶，奶... 已經溶入茶中，合為一體，加上熱度夠，100分👍🏻總括嚟講，食物質素好，店員又無見我食完就催促埋單，$68係物有所值。