鮨和居食屋 (已結業)

同事好喜歡食日本菜，基本上問佢都會話食日本菜啦！今日也不例外。銅鑼灣選擇多，不愁沒有好嘢食。呢間餐廳位於中心地帶商厦內，環境不錯。角切魚生丼同事食的魚生飯好豐富，蟹籽，蝦，三文魚…..配合蛋粒，青瓜粒，增加了口感。大和照燒雞扒定食日本菜隨了剌身，壽司外，也有其他款式。雞扒肉質軟腍，照燒汁混入麻醬料，夠入味，惹味十足。伴以沙律菜，平衡營養。套餐包括沙律，蒸蛋，麵豉湯和雪糕/飲品。份量足夠，十分抵食。