岩盤牛扒 ミディアムレア ステーキ (博文街) (已結業)

聽朋友介紹，有一間食鐵板牛嘅小店舖好正，不過因為唔係住附近，所以遲遲未有機會嘗試到，今日趁放假有時間就去試一下佢個lunch set😋佢嘅lunch set分兩部份，簡單易明，我先揀左蒜蓉+牛柳，再5選3，揀左溫泉蛋+白飯+沙律。店舖的骰簡約，好有日本風味，感覺舒適唔會太擠逼。一路等，一路聞到煎緊牛扒嘅香味，真係口水都流埋，等左一陣就有得食喇！麻醬沙律好醒胃，好快已經比我食晒🤣牛柳厚身大件，內裏鮮嫩香口，食到後面都唔會過熟，搭配柚子肉汁，唔覺唔覺已經食晒🥰整體價值都唔錯，又有唔同配搭，想小小地鋸下扒係唔錯嘅選擇！