影片
更多
2021-11-13
659 瀏覽
同事請食午餐鐵板燒，公司在中環行過去要15分鐘。餐廳環境唔錯，凹形座位圍住中間兩個廚師烹調食物，距離感適中，唔會太近太大油煙。Set lunch有4款，松/竹/梅/櫻，我同另一個同事都揀咗松（銀雪魚➕美牛厚燒 $350），另外兩個同事楝咗竹&櫻。我們的「松」set lunch，去片！每人座位幾闊落舒適我們4個人坐側面，可以睇到廚師烹調又唔會食正油煙日式沙律，蔬菜新鮮，好味呢個係另加嘅三款魚生，白身鯛魚➕拖羅➕金目鯛，魚肉新鮮，$100 值得食主菜銀雪魚，畫龍點睛係塊魚皮，煎到成隻雀有對翼識飛咁，好香脆香口但魚肉就差少少油香，而且份量得一小塊，唔多夠。幾厚肉，煎得剛好，屬意料之中味道，冇咩驚喜。美牛厚燒我叫了七成熟，有肉味加上煎得剛好，好食，旁邊係產自日本嘅獨子蒜，好香脆同牛肉一齊食，有提升味道效果。有個同事點咗牛肉薄燒，但賣相麻麻，所以建議個餐點厚燒，雖然貴少少。炒飯粒粒分明，夠乾食少油有蛋香，上佳之作焦糖多士，每個餐兩件，牛油味香濃，口感酥脆，但因為我不能食太多牛油，所以只係食咗一件，另一件俾咗同事食甜品要了白桃sorbet（因為我有乳糖不耐症，食唔到雪糕），雖然對我來講有啲太甜，但
Set lunch有4款，松/竹/梅/櫻，我同另一個同事都揀咗松（銀雪魚➕美牛厚燒 $350），另外兩個同事楝咗竹&櫻。
我們的「松」set lunch，去片！
每人座位幾闊落舒適
我們4個人坐側面，可以睇到廚師烹調又唔會食正油煙
日式沙律，蔬菜新鮮，好味
呢個係另加嘅三款魚生，白身鯛魚➕拖羅➕金目鯛，魚肉新鮮，$100 值得食
主菜銀雪魚，畫龍點睛係塊魚皮，煎到成隻雀有對翼識飛咁，好香脆香口但魚肉就差少少油香，而且份量得一小塊，唔多夠。
幾厚肉，煎得剛好，屬意料之中味道，冇咩驚喜。
美牛厚燒我叫了七成熟，有肉味加上煎得剛好，好食，旁邊係產自日本嘅獨子蒜，好香脆同牛肉一齊食，有提升味道效果。有個同事點咗牛肉薄燒，但賣相麻麻，所以建議個餐點厚燒，雖然貴少少。
炒飯粒粒分明，夠乾食少油有蛋香，上佳之作
焦糖多士，每個餐兩件，牛油味香濃，口感酥脆，但因為我不能食太多牛油，所以只係食咗一件，另一件俾咗同事食
甜品要了白桃sorbet（因為我有乳糖不耐症，食唔到雪糕），雖然對我來講有啲太甜，但有sorbet 選擇已經加分過程中厨師會問你食唔食葱蒜芹，又會簡單介紹食物同提議點食最好，有omakase 感覺。總括食物，環境同服務值得個價錢。
見有其他客人點咗梅set （鮑魚），隻南非鮑魚生out out 喺鐵板上煎，幾大隻，應該幾好味，下次可以再來試吓。
張貼
