嚐館 (已結業)

黃大仙食肆花多眼亂，要揾食少d心思都好難突圍而出，平時鋸扒閒閒地都要2百幾至3百幾，呢間餐廳就真係價廉物美。一客西冷牛扒只需一百蚊有找，仲配埋餐湯及餐飲，認真抵!餐廳裝修光猛新派，藍綠色小清新，而且多卡位，係舒適嘅用餐時光!西冷牛扒指牛胸脊肉部分，肉質細嫩，大理石油花均勻，富有嚼勁。肉質瘦削、細密，一邊外層有脂肪覆蓋。脂肪層下有一條軟骨。西冷的肉汁雖不及肉眼，但卻是製作牛扒的一流食材，配埋黑椒汁更加和味!