新蒸武門 (已結業)

今日午餐跟同事都駱駝漆大廈試試住家菜做午餐，匆匆1小時的午餐，我哋大班人通常會揀茶餐廳就算，對食物嘅質素冇乜要求，務求喺短時間做到食完午餐，又準時返公司為目標。今日令我喜出望外，原來喺觀塘呢個打工仔密集搵食嘅地方，午餐都可以食到住家菜感覺。我揀咗佢哋午餐嘅土魷蒸肉餅，肉餅上碟一啲都唔馬虎，大大碟好多土魷，土魷亦夠彈牙，我最鍾意土魷嘅香，送飯一流。餐飲我選了是日例湯，感覺好似少味精過茶餐廳嘅例湯，不過都幾多油，有少少失望。