金凡潮汕菜

營業中

休息中

中午同老公經過尖沙咀金凡潮汕菜，望到有魚翅撈飯，一於入去試吓！餐廳主打地道小炒，潮州打冷。入座後，店員即送上老火湯，飲落味道香甜。魚翅撈飯：用石鍋盛載，熱辣辣滾住上枱，湯底清甜，內有很多銀芽，當然有主角魚翅，整體都好爽口，將湯汁倒入白飯食，真係魚翅撈飯。加錢還可以配指定一款迷你即炒小菜。揀咗迷你滷水拼盤，滷水豆腐、香腸、豬耳、豬腸、腩肉。滷水料都好入味。套餐送熱飲：阿華田濃郁香甜。蔥爆豆豉雞配白飯：小菜即叫即炒，炒得都好有鑊氣，用蔥同豆豉爆香雞件，十分惹味！奉送熱飲，熱華田都好濃郁。