揀得啱車仔麵 (已結業)

今晚同朋友嚟到上環新紀元廣場嘅揀得啱車仔麵，餐廳環境乾淨企理，燈火通明，座位舒適，衛生唔錯。食緊嘅時候都見到唔少人幫襯，係上環上班一族放工醫肚好選擇。價錢都唔貴，三餸麵加特飲都係55蚊。因為我唔係太肚餓，叫咗生菜底，有呢個選擇真係好，因為有時會唔想食麵，想食多啲菜😋😍朋友叫咗沙嗲湯底嘅米線，試咗瑞士雞翼，豬軟骨，豬大腸等，選擇豐富。額外仲叫咗菜心，營養更均衡。仲有小食千杯不醉雞翼，酒味香濃，入曬味。飲品嗌咗凍檸茶，茶底幾香，炎炎夏日清新解渴。