彤 (已結業)

之前食過晚市OMAKASE唔錯，D師傅又好傾，今日Lunch正諗緊食咩野就見到佢出咗Lunch Set，即刻去試試，因為最近食太多壽司，所以試左兩個熟食既定食，一去到果度見到裡面吧枱都坐緊10個8個，有啲食緊OMAKASE，有啲就Lunch Set，個心都定啲，樓面一見到我同朋友即刻埋黎招呼，班師傅都有同我點頭微笑，同埋我最鐘意比較寬敞既環境，可以食得舒服啲，因為好多時候Lunch時間係尖沙咀食飯都好迫好多人，呢度既環境氣氛都好靚好舒服。吉列豚定食同燒鯖魚定食，$128包味噌湯、茶碗蒸仲有甜品，本身以為質素會普普通通，點知竟然有驚喜，吉列豚肉肉汁豐富，燒鯖魚鮮嫩，做開OMAKASE果然唔同啲。