Delaney's Wanchai (已結業)

約左朋友來呢頭吃飯，見呢度無咩人，幾好坐，又適合傾計，就來幫襯。米睇夜晚呢度好熱鬧，原來下晝好靜下，連電視都好開得好細聲。午餐，頭盤是自助沙律吧，主菜是四選一，燒牛肉、roast of the day、catch of the day同廚師精選，同咖啡或茶。沙律吧選擇不算多，生果、生菜、車厘茄、長通粉及薯仔沙律等，賣相及味道俱一般。主菜要了roast of the day，是燒羊架，是燒定了，要就切來奉客。羊扒味道不算差，臊味少，但燒得過熟，口感較遜色；朋友的燒牛肉看樣子已不對頭，好深色又乾身，佢亦話麻麻地好食。伴碟有什菜及炸薯塊，又是整定的，味道當然不及即炸的好。連咖啡或茶，埋單98蚊一位。雖然不收加一，但食物質數麻麻，似乎呢度都係夜晚來飲野會好一點，來吃午餐就唔係太掂。