紅茶冰室 (已結業)

返工日子，星期五，就唔帶飯啦，出去食吓飯慶祝吓happy friday，因為附近冇乜好食，而且午餐時間亦都好多人，所以我就揀咗紅茶冰室。紅茶冰室喺其他旅遊區，例如尖沙咀旺角呢啲地方好多大陸人會去呢度食，畢竟佢因為係小紅書推介嘅網紅餐廳。不過嚟到觀塘，呢度就冇咁多人啦。我嗌咗個常餐，係沙嗲牛麵，牛肉嘅份量都好多，午餐嚟講好飽肚，仲有一個奄列，入邊嘅火腿滿滿，非常好味。配合埋一杯凍咖啡，午餐嚟講真係好提神。