韓食媽媽韓國料理

營業中

休息中

店員盡責﹑有禮﹑友善，有幫手量客人嘅體溫。店內檯凳都企理﹑乾淨。燈光光線充足。黃色燈光令人感覺更加溫暖。杯麥茶嘅濃度適中。前菜有甜甜地嘅薯仔粒，爽口嘅芽菜，同埋泡菜。泡菜嘅辣度只係小小辣，啱晒我呢啲唔食得辣嘅人！紫菜湯略為鹹左小小。天氣凍凍地食石鍋飯真係好正！石鍋飯材料新鮮，唔落辣醬都好好味。石鍋飯好暖笠笠，我搞左十零廿下，就可以令到隻蛋變成熟晒嘅蛋碎。就算過左大約廿分鐘，個鍋都仲係暖嘅。啲飯焦亦都未至於凍晒。正呀！