Pizza Bar (已結業)

午餐賣$42。包紅或白湯、焗飯或肉扒或雞扒、冷熱飲品。先來每人有兩片的「蒜蓉牛油法包」，略烘但涼了，唔好味。。湯：「粟米火腿忌廉湯」和「羅宋湯」係標準茶記質素。主食：我的「焗芝士白汁魚柳炒飯」汁濃芝士香稠惹味，魚柳超大塊厚肉，唯略腥。炒飯有許多蛋絲，好香。同事的「牛脷薯菜」的那三塊牛脷超軟好味，紅腰豆雜菜汁好多料。焗薯太軟，似烚薯裹上錫紙。熱奶茶好香濃，就算凍奶茶都好濃稠，真的不簡單。