越南米紙 (已結業)

第一次去呢間鋪頭到食，無記錯店鋪開左半年到，用具都比較新同乾淨。鋪頭都因為新裝修座落去都比較舒服。起初打算去對面鋪頭食午餐，但因為無位關係，今日就去左呢個新鋪試下新野，入到店鋪睇下個餐牌，收費黎講係房署單位計相對試，價格黎講都算貴，但該區店鋪收貴比較起上黎又差唔多，價格中上，所以相對黎講吉位都比較多，係用餐時間都有空位。午餐用餐時間點左一個泰妃雞，價格52蚊包一杯熱野，飲品叫左杯熱奶茶加左我一包咖啡糖，到餐黎時個賣相係吸引既，同埋雞都係比較多，加埋調味料，味道都唔錯，相信會再一次惠顧，但係作為一個基層人士，若果可以再將價格調低相信會吸引到更多客人。