蛇王二 (已結業)

天氣開始轉涼，除左打邊爐，就想到食蛇羹暖下個身，便去了波斯富街的蛇王二。我點了蛇羹餐，菊花會五蛇羹一碗、脆皮膶腸飯一碗及蠔油生菜一碟，每份$110。菊花會五蛇羹：湯底夠味，好多蛇肉同木耳，好足料，落埋卜卜脆，再灑上胡椒粉調味，簡直一流。脆皮膶腸飯：膶腸，口感好似司華力腸，好脆，一試難忘，味道適中，送飯一流。蠔油生菜：份量都唔少，配上蠔油，很味美，又可幫助消化。雖然要成$110個午餐，但秋冬期間，間唔中食下都嘗可接受。