茶木‧台式休閒餐廳 (杏花新城) (已結業)

我哋大概中午一點到去到，基本上唔使排隊就直入，可能係因為平日，其實個商場好大但人流唔多，員工都有好細心咁同我哋探熱先至俾我哋入去，佢安排咗我哋坐喺最近嘅卡位。我哋嗌左兩個中午套餐，一個係紅蔥地瓜燉牛復腩配肉燥飯，另外一個要咗鹽酥梅粉炸排骨配地瓜米粉，套餐本身包左個三色前菜，有滷水蛋，矮瓜同埋麻醬時菜。個牛腩好好食，仲有牛筋喺裏面，配搭左地瓜去煮，好入味，鹽酥排骨都唔錯，好脆口。佢本身仲配左嘢飲，好抵食。