Pati by Lassana (已結業)

好快又到農曆新年, 係時候外出行下街, 買下嘢, 準備新衫過年, 早前便相約好友去了香工行街, 順便食埋午餐. 原來附近有一個food court, 我也是友人帶去才知道, 有不少類型選擇, 最後我選擇了食西式, 叫Pati by Lassana. 一個沙律, 一個小食, 一個主菜加一杯飲品, 只需要$63, 真係幾抵食. 沙律我選了凱撒沙律, 小食選了焗薯, 主菜我選了鴨腿配窩夫, 飲品點了熱的鮮奶咖啡. 估唔到份量也幾多. 凱撒沙律. 蔬菜幾新鮮爽脆, 簡簡單單的沙律味道也不錯. 美式焗薯. 我自己鍾意食焗薯. 對於我來講, 最基本要夠熱, 這個焗薯蓉就算熱. 薯仔口感軟硬適中. 主菜有四款選擇, 我一見到這個鴨腿便不用作其他考慮, 因為我無諗過這裡也可以食到鴨腿, 當然不能同餐廳作比較, 但以這個價錢, 質素相當不錯. 鴨肉夠腍身, 味道咸香, 醬汁是香橙, 帶甜甜地, 幾開胃. 最後,飲番一杯咖啡, 非常完滿. 咖啡幾香濃細滑.