Ocio (已結業)

每次嚟葵芳好似淨係去葵廣咁，其實地鐵站一出去嘅新都會廣場都幾多嘢食！今次食左呢間cafe，午餐menu嘅性價比超高。餐湯呢個湯可以話係我飲過嘅忌廉湯裏面，最濃郁個個！重本重本！白汁雞皇意粉呢個意粉亦都非常creamy，每條意粉都掛滿白汁，一擺入口就知啦！仲有大量雞肉同菇類，食到尾都仲有好多肉同菇。價錢係68蚊，簡直係無得頂呀。高汁意粉，但只要幾十蚊！手打漢堡配薯角呢個set真係飽肚之選！個漢堡超大個，仲有好多薯角。漢堡包層次豐富，沙律菜、蕃茄、肉扒、芝士、煙肉、蘑菇、肉醬，真係咬落去口感好正。薯角熱辣辣炸起，枱上面仲有一枝茄汁任擠！