么鳳

營業中

休息中

今日去咗銅鑼灣嘅么鳳 呢間係香港嘅百年老店 由1960年開業至今專賣本土嘅傳統零食同埋一啲賀年小吃 一入到店就見到一樽樽嘅大玻璃樽裝住唔同款式嘅零食 非常多選擇例如開心果、角仔、蛋卷 如果要辦年貨就啱哂 而么鳳嘅話梅陳皮、甘草檸檬、冬薑都真係最有名 品質口碑都係好高的 嚟香港旅行嘅話好推介你買嚟做手信🙌🏻淨係話梅都有好幾款 我就簡咗原粒話梅肉 味道唔會話好酸 食完好開胃有消膩嘅作用 而甘草川貝檸檬 有酸酸甜甜嘅檸檬果味 仲可以止喝潤口添 屋企人都大讚係真材實料 另外就買咗開心果準備新年放落全盒 新年食開心果寓意住天天快樂、幸福常樂呀