影片
更多
2012-03-04
34 瀏覽
山地人越南法包專門店係一間開業大約三年多o既小店,主要售賣越南法包、咖啡、小食及檬粉呢間食肆獲得提名 OpenRice 優秀開飯熱店大賞 2012 最優秀開飯東南亞菜餐廳組別o既入圍熱店位於炮台山 AIA 友邦廣場後面o既一條偏僻內街宏安道,由港鐵站行過去只係幾分鐘路程店舖幾細間,主要做外賣生意,若果堂食會坐得冇咁舒適,一邊設有三個坐位o既長枱,另一邊就有張二人枱,若果多客人堂食會o係門外開張摺枱俾大家坐雖然係一間小店,不過都有電視同埋雜誌俾客人睇越南法包係一種好有特式o既食物,o係香港唔多地方可以食到,除左佐敦有間馳名o既添記越式法包,原來香港呢邊都有間山地人越南法包專門店由於山地人食物有水準,即叫即做,除左有外籍人士幫襯外,名人紅星亦都慕名而來早前o係網站買左兩張 coupon,每張 coupon 可以用$25 買價值$50山地人越南法包專門店o既食品及飲品店內o既法包除左原味外,有較特別o既黑麥芽及竹炭,呢兩款口味都係山地人首創至於餡料可以選豬肉,牛肉,雞肉,肉鬆,沙甸魚及香菇正當我地諗緊買乜野食時,女店員向我地建議點樣用張 coupon佢話買一個法包連汽水/熱飲就已經$43,可
呢間食肆獲得提名 OpenRice 優秀開飯熱店大賞 2012 最優秀開飯東南亞菜餐廳組別o既入圍熱店
位於炮台山 AIA 友邦廣場後面o既一條偏僻內街宏安道,由港鐵站行過去只係幾分鐘路程
店舖幾細間,主要做外賣生意,若果堂食會坐得冇咁舒適,一邊設有三個坐位o既長枱,另一邊就有張二人枱,若果多客人堂食會o係門外開張摺枱俾大家坐
雖然係一間小店,不過都有電視同埋雜誌俾客人睇
越南法包係一種好有特式o既食物,o係香港唔多地方可以食到,除左佐敦有間馳名o既添記越式法包,原來香港呢邊都有間山地人越南法包專門店由於山地人食物有水準,即叫即做,除左有外籍人士幫襯外,名人紅星亦都慕名而來
早前o係網站買左兩張 coupon,每張 coupon 可以用$25 買價值$50山地人越南法包專門店o既食品及飲品店內o既法包除左原味外,有較特別o既黑麥芽及竹炭,呢兩款口味都係山地人首創
至於餡料可以選豬肉,牛肉,雞肉,肉鬆,沙甸魚及香菇
正當我地諗緊買乜野食時,女店員向我地建議點樣用張 coupon
佢話買一個法包連汽水/熱飲就已經$43,可以加$5要芝士醬,加$2可以將熱飲轉為凍飲
由於每次交易只可以用一張 coupon,我地兩個人要分開兩張單俾錢
黑麥芽雞肉法包將個法包分成兩半,法包配上新鮮鵝肝醬,扎肉,漬醃紅蘿蔔絲,洋葱絲,韭菜,芫茜等配料,清爽又酸甜,又有魚露味
由於朋友唔食得辣所以叫左走辣
竹炭牛肉法包呢個法包加左竹炭粉,係健康之選
法包熱辣辣,店員焗包之前灑左水,令到包身外層焗得香脆,唔似得 Delifrance 食到o既硬身法包
食一個越南法包已經夠飽,可以當飯食
我地兩個都要凍越南咸柑桔柑桔味非常香濃
入口酸中帶甜,味道唔錯
店內有得賣漬醃紅蘿蔔絲,辣椒絲及醬料
門口鐵架上放置特色越南小食好似腰果,苦瓜乾,仲有越南咖啡粉,同埋越式河粉售賣店內仲有其他特式越南食品可供選擇,例如黃金肉餅,鵝肝包,黃金雞全翼,鮮蝦扎肉沙律,酸辣鳳爪等
佢地早餐及下午茶有優惠套餐
原來物價不斷上升,再加上山地人越南法包專門店開始多人識,間中又有做團購優惠,同樣份量o既套餐呢一,兩年成日加價
2011年初o既套餐只係賣$35,團購網站見到o既餐牌加到$37,但係當日我地光顧已經要$43一份
今次呢個優惠都算抵食,$25 就可以食到特式o既越南法包連飲品
不過以原價價錢就略貴,若果日後再有團購可以試下沙甸魚法包及越南檬粉
香港唔多地方食到呢o的特式食品,再加上食品新鮮製造,呢間小店值得向大家推薦
原來山地人最近擴充營業,o係灣仔交加里開分店,以後又多一個地方可以食到特式越南法包
食完越南法包後,我地行去銅鑼灣食乳酪雪糕
張貼
