阿里山 (渣菲大廈)

營業中

休息中

今日路過呢間阿里山古早味蛋糕，望落有啲吸引，大大間，好似幾乾淨企理咁。想買，但今晚約咗朋友食飯，驚買太多會夜晚食唔落飯，就少少哋咁買半個，當食個Tea。雖然買半個比起買原個會相對冇咁抵買，但好過食唔晒，浪費嘢食啊。日本柚子蜂蜜（半個）$60呢間古早味蛋糕價錢唔算特別抵，但一分錢一分貨，用咗日本柚子蜂蜜，成本當然貴啲。呢款嘅蜂蜜味比較重，所以會相對甜少少，但都算係甜得自然。蛋糕食落幾濕潤，有彈性。表面佈滿柚子嘅外皮，柚子味濃，鍾意食柚子就啱晒啦。買蛋糕加$20可以有支冠軍師傅整嘅奶茶，不過如果食蛋糕再加埋奶茶有啲邪惡，我都係下次先加啦。臨走前發現呢度仲有千層蛋糕同撻賣，有機會再試。