影片
更多
2020-12-03
397 瀏覽
話說是日同老公要去會展睇展覽，上網見到會展隔離呢間酒店tea set做緊半價（恒生卡優惠）即刻book😝 我就預先打咗電話去酒店book位，講明用恒生優惠咁佢都每日限定頭80位。眼見現場我去到呢日都唔算太多人，都星期六嚟㗎。我諗其實都好容易book到呢個優惠啊，優惠去到12月13號。餐廳環境好靚，夠哂chill，樓底又夠高，仲要坐到落地玻璃嗰張枱，真係令人非常放鬆同埋好岩傾計。冇幾耐我哋叫嘅Tea set上檯，T set個樣當然唔少得啦，非常之咁靚，特別係用今次係草莓同玫瑰嘅主題，一開始我同老公都預咗可能食物得個樣，唔會太好食🙊 果然上到枱其實真係一半一半咋，部份食物都幾好食㗎。嗰Scone 就麻麻，都算做到唔會成舊野痴係喉嚨到/太鬆散，只係略嫌凍左少少姐。我覺得最屎忽鬼，因為佢係一個草莓嘅主題呢，所以啲鹹點無啦啦都會整舊士多啤梨入去。有個士多啤梨吐司就唔錯酸酸甜甜加埋脆卜卜麵包係幾好食嘅。但係另一個三文治就出事啦佢係一個有雞胸再加士多啤梨，好奇怪明明有士多啤梨，但成搞嘢唔知點解好dry，唔好食🙊咁至於甜點方面呢我最鍾意就係嗰個cheese cake啦，用四個字形容啊，香濃軟綿🤤仲有一
我就預先打咗電話去酒店book位，講明用恒生優惠咁佢都每日限定頭80位。
眼見現場我去到呢日都唔算太多人，都星期六嚟㗎。我諗其實都好容易book到呢個優惠啊，優惠去到12月13號。
餐廳環境好靚，夠哂chill，樓底又夠高，仲要坐到落地玻璃嗰張枱，真係令人非常放鬆同埋好岩傾計。
冇幾耐我哋叫嘅Tea set上檯，T set個樣當然唔少得啦，非常之咁靚，特別係用今次係草莓同玫瑰嘅主題，一開始我同老公都預咗可能食物得個樣，唔會太好食🙊
果然上到枱其實真係一半一半咋，部份食物都幾好食㗎。
嗰Scone 就麻麻，都算做到唔會成舊野痴係喉嚨到/太鬆散，只係略嫌凍左少少姐。
我覺得最屎忽鬼，因為佢係一個草莓嘅主題呢，所以啲鹹點無啦啦都會整舊士多啤梨入去。
有個士多啤梨吐司就唔錯酸酸甜甜加埋脆卜卜麵包係幾好食嘅。
但係另一個三文治就出事啦佢係一個有雞胸再加士多啤梨，好奇怪明明有士多啤梨，但成搞嘢唔知點解好dry，唔好食🙊
咁至於甜點方面呢我最鍾意就係嗰個cheese cake啦，用四個字形容啊，香濃軟綿🤤
仲有一個睇返Menu叫做士多啤梨芝士蛋糕，芝士味就唔係好覺。但係呢佢味道真係幾好食㗎出邊脆卜卜，咁樣入邊啲餡又軟綿又香濃。幾靚而且都幾好食😋
甜品之中我覺得最伏就係個玫瑰白酒啫喱，食唔到有玫瑰味，白酒味又唔算濃，但係啫喱口感又似大菜糕，好伏🤫
其他鹹點就不過不失啦，有個牛肉他他嘅嘢，因為我唔係好敢食，俾咗老公佢就話都食落去好普通🤣
總結而言呢個價錢買單，一人包埋加一都唔使$150來講，係假日可以坐係海旁的酒店大堂，靚靚咁樣影吓相打卡，係絕對物超所值嘅。
特別係如果你約friend想傾計，坐得耐又舒服😌呢個非常好嘅地點😁職員服務超到位，會主動幫你加水，上菜同收碟而唔會點打擾到你😌
題外話，當日我好大懵咁樣留低咗件外套喺間餐廳度，職員非常好，轉個頭已經打電話俾我叫我攞返所以我覺得服務真係好好，係一間令人絕對想返專頭既酒店🤣
張貼
