小豆島日本料理 (已結業)

朋友最近係呢度附近買左單位 陪佢今日陪佢睇完裝修工程就決定呢大食一餐 因為見到佢寫住有半價 除咗刺身半價 連壽司都係半價刺身由於朋友唔太好刺身，我自己點咗劍魚腩，油甘魚，帶子仲有甘海老，鮮甜，而且都好大件同厚身，半價食真係好抵天婦羅炸粉唔太厚，薄得嚟又夠脆，除左蝦仲有幾件係野菜，係要食下香口野先夠滿足壽司朋友好狼咁食左8款壽司後仲好似開左胃口咁，又再叫多4款壽司，淨係壽司我地已經食左24件，可能因為半價，大家都食得好放食左平時點開嘅鱈場蟹棒，七味火炙蟹棒，鰻魚，甘海老，北寄貝沙律，香蔥吞拿魚腩碎軍腩等，水準幾好，又唔會大大舊飯，比例好。其中朋友最鐘意三文魚籽，海膽軍艦，話好夠鮮味。我就覺得稻荷系列（用腐皮代替紫菜）同埋兩款口味嘅火炙帆立貝夠特別，柚子胡椒同胡麻醬都幾清新，好食。再飲埋兩杯梳打飲品，真係好飽好爽，重點唔洗排勁耐隊，半價後，個心仲滿意。