7
4
0
等級1
2
0
半價早餐, 飽到唔使食午餐
2013-11-25 151 瀏覽
哈哈, 睇左 OPENRICE 幾年, 第一次寫食評. 無他, 因為呢份新工比較得閒, 而尖沙咀又算係多野食既地方, 一於開個 ACCOUNT 等自己得閒無事, 學人做下才女寫食評啦.趁老闆唔响公司, 悶悶地, 又唔想食LUNCH (太飽喇) ,就寫第一單, 講下今朝的事先由於今朝食早餐時無諗住升呢個才女, 所以一張相都無影到 )今日早左起身, 搭早左班車返工, 估唔到早一班車原來係早咁多返到尖沙咀既, 見仲有成9個字先夠鐘, 天氣又凍凍地, 就決定去搵地方食早餐暖下個肚喇。呢份工返左唔係好耐, 都唔知邊度有好野食, 只記得厚福街果面好似有麵檔,咁就吽吽下咁行過去。行入厚福街口, 見到椰林閣有人派傳單, 門口大大張紙貼住 “早餐半價”, 好似好吸引喎, 再望下有乜野食, 其實都OK, 三文治餐連飲品$11, 去7仔就咁一份三文字都唔止呢個價, 連湯粉麵餐都只係 $14. 一於入去試下啦!呢間樓要行樓梯, 可以當做運動. 人唔算多, 唔使等位, 一坐低, 望下餐牌, 叫左一份個名好有氣勢的 “雞鮑翅” 食(其實即係雞絲同素飽素翅), +$4 可以配我至愛的出前一丁, 再望下餐牌, 又被
更多
哈哈, 睇左 OPENRICE 幾年, 第一次寫食評. 無他, 因為呢份新工比較得閒, 而尖沙咀又算係多野食既地方, 一於開個 ACCOUNT 等自己得閒無事, 學人做下才女寫食評啦.趁老闆唔响公司, 悶悶地, 又唔想食LUNCH (太飽喇) ,就寫第一單, 講下今朝的事先
由於今朝食早餐時無諗住升呢個才女, 所以一張相都無影到
)今日早左起身, 搭早左班車返工, 估唔到早一班車原來係早咁多返到尖沙咀既, 見仲有成9個字先夠鐘, 天氣又凍凍地, 就決定去搵地方食早餐暖下個肚喇。呢份工返左唔係好耐, 都唔知邊度有好野食, 只記得厚福街果面好似有麵檔,咁就吽吽下咁行過去。行入厚福街口, 見到椰林閣有人派傳單, 門口大大張紙貼住 “早餐半價”, 好似好吸引喎, 再望下有乜野食, 其實都OK, 三文治餐連飲品$11, 去7仔就咁一份三文字都唔止呢個價, 連湯粉麵餐都只係 $14. 一於入去試下啦!呢間樓要行樓梯, 可以當做運動. 人唔算多, 唔使等位, 一坐低, 望下餐牌, 叫左一份個名好有氣勢的 “雞鮑翅” 食(其實即係雞絲同素飽素翅), +$4 可以配我至愛的出前一丁, 再望下餐牌, 又被 “牛油厚多士” 吸引住, +$3 咋喎…試埋啦試埋啦.起初以為做半價, 份量唔會太大, 但碗麵黎到, 真係嚇我一跳…好大碗呀, 料足湯熱麵香, 淨係聞到都流口水…死, 份厚多點算…厚多又係熱辣辣, 加埋牛油….死就死啦....唔使3個字, 成份食晒!就咁, 一份雞鮑翅丁麵, 加一份牛油厚多士, 一杯熱咖啡, 連埋加一, 都只係 $25 就成為我今日的早午餐, 因為真係飽到上心口, 而家完全食唔落野!又好味, 又抵食的半價早餐好似只係做到下星期 (12月初),
等我呢幾日都早少少起身,再去食多1,2餐先。
因為佢餐牌上仲有扒類早餐$15起, 有牛食…唔試, 對唔住自己呢!
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐日期
2013-11-25
用餐途徑
堂食
人均消費
$25 (早餐)