韓讚 (已結業)

雖然坊間愈來愈多訂枱apps，為了吸引食客往往比巨大折扣優惠大家，今晚就再次中伏。九點鐘訂咗枱兩個人來到韓讚，裝修其實幾有少女特色，座位都闊落。有a la carte 50%off，主菜點了豬牛雞燒肉拼盤，味道好普通，雞有酥味不新鮮，牛和豬的調味一模一樣，其實分不清楚，總之就是很濃味， 但不屬於好食，而且超多油。傳統芝士泡菜蔥餅算是不過不失，泡菜足料，而且芝士味香濃，但食完成口油，半價後仍然覺得不值。炸醬麵的醬料很像759買到預製袋裝醬料，很咸，雖然薯仔和洋蔥和椰菜到煲淋了，不過味道真的麻麻，面底亦太淋，有點煮得過久。只是三款主食埋單都要每人＄120，但很多街邊韓式料理質素更加高、定價便宜、份量亦更加多，如果唔認真改善味道，應該撐不到多久。