波記甜品 (已結業)

五月四日(星期日)同老公仔食完上海婆婆之後,專登黎呢度食甜品架!不過唔識路,仲唔記得o係兆麟站落車tim!...之後,搭番轉頭,又唔識路,周圍問人,問左個後生仔,佢睇到我地個樣好為食,就話"o我!為左搵野食呀".....haha!行左成15分鐘先到!同埋去到冇人!個老闆娘教問個仔仔做功課,但係都好有禮貌呢!我老公叫左榴槤水晶撈,佢話都係發記好味!不過呢度算唔錯,同埋幾特別!我叫左佢地個芒珍小白,幾好食呀!!豆腐花好滑!而且芒果係用呂宋芒,所以幾甜!底係麵包布丁,都唔錯,原來佢就係"為食救兵"合作整既!幾好!都有幾多特別既甜品呢,質素都唔錯!不過地方真係偏僻左d呢!