我愛慢煮 (普慶坊) (已結業)

朋友個要求食個平靚正西餐，隨即諗起呢間慢煮良心小店，之前已經幫襯過孖沙街分店，原本懶行樓梯想去返同一間，但已經滿座，唯有做下運動上山去普慶坊分店，呢間分店嘅位置有啲隱蔽，但門口有大大幅老虎壁畫，所以都唔怕揾唔到。小店採用半自助模式，自己拎水同餐具，落單後由店員會送餐，因此唔收加一，而且價格非常合理，個人覺得普慶坊分店嘅水準稍高。🍽安格斯頂級西冷牛扒（小）之前試過平鐵牛扒覺得較多筋，今次就試西冷，切開後帶少少粉紅，保留到肉汁，肉味香濃又唔韌，推薦！🍽秘制保濕帶骨豬鞍架店員話呢款要等15分鐘，壓軸岀場果然冇令人失望，一如其名唔會乾爭爭，仲幾爽口，外層微焦，調味偏重但我覺得可以同西冷一較高下。🍽炸番薯條食扒當然要配薯菜，甜甜嘅番薯條新鮮炸起，份量又多，點蛋黃醬好好食，不過佢淋得較快，大家記得趁熱食。🍽墨西哥粟米花呢款喺其他慢煮餐廳較少見，原條粟米搽上香料同燒烤醬後燒香，賣相一流，少辣惹味。🍽芝士溫泉蛋大啡菇呢個組合大家應該唔陌生，厚厚嘅大啡菇鋪上芝士焗香，一切開溫泉蛋蛋汁湧岀，唔好食就奇。☕️熱情芒果特飲行完樓梯好渴叫左杯特飲，應該係雪碧加水果糖漿，冇乜特別，下次會試吓手工啤。