我愛慢煮 (普慶坊) (已結業)

餐廳位於上環半山附近，上環同西營盤中間，位置係隱蔽少少的。餐廳細細座位不多，柔和燈光下襯托下增添幾分浪漫感覺，美食更是無令人失望。炸海鮮籃 $78有炸蠔、炸蝦和炸魚柳，新鮮炸起外層脆卜卜，炸粉不多，內裡肉質嫩，二人分享好滿足。 海鮮芝士忌廉菠菜苗 $68 波菜好嫩，個忌廉唔算好creamy有點稀，但平衡番厚厚芝士的味道幾好食，仲有大蝦多隻口感彈牙，整體好味。微辣咸蛋黃單骨雞翼 $68雞翼外層炸粉鬆脆，雞肉微辣好入味，咸蛋黃醬咸香味，令整體味道較濃。蜜糖香草配法國春雞 $98 春雞半隻以慢煮方式，肉質保接嫩滑，雞皮塗滿蜜糖醬汁非常美味。卡真蝦串 $28大蝦爽口彈牙，牛油和蒜粉調味煎得香口，好食好食。咖啡芝士蛋糕、愛爾蘭咖啡奶酒 $58滑滑的芝士蛋糕好香咖啡味，和奶酒的酒香味道好夾，好味值得一食。