半島酒店大堂茶座

營業中

休息中

半島酒店🏨大堂茶座老婆生日🎂fine dining，送生日🎂蛋糕🎂，有live band music，8成滿座，4道菜$588，面包🥖籃都幾多選擇，我鐘意食脆脆。前菜點咗鮮蟹肉配雞尾酒🍸汁、茴香、牛油果🥑醬、芒果蓉，幾樣撈埋都好夾，份量唔少。主菜我叫咗意式燴海鮮，有帶子、大蝦、青口、魷魚🦑、辣肉腸、意式香草🌿包，都幾豐富，不過個包未食完就俾侍應執走咗。老婆叫咗素菜千層面，有瑞可塔芝士🧀、意大利🇮🇹青瓜🥒同迷你茄子。食完主菜就上生日蛋糕🎂，插埋蠟燭🕯️，職員🧑‍💼主動幫手影相。蛋糕🎂打包咗返屋企🏠同陳皮兩妹慶生🎉。咖啡☕️叫咗decaf latte☕️，好飲，但個杯太重，老婆叫decaf cappuccino☕️。甜品🍮我叫咗是日雪糕🍦，係雲呢拿味，好香，有雲呢拿籽同一pat cream，好食😋，老婆叫70%黑朱古力🍫慕斯、雜莓醬、馬鞭草輕忌廉、朱古力🍫蛋糕。上咗M樓搵厠所，原來live band位皓窄。呢間應該係最平既半島晚餐🥣