影片
更多
2019-10-01
16007 瀏覽
食尼餐唔係為左回本，只係想嘗試食一次半島酒店既自助餐。環境氣氛非常好，有燭光晚餐feel。侍應服務真係好好，入座會幫你拉凳，為你凖備餐巾，離開座位時又會幫你將餐巾摺好。同埋係一齊出去拎食野都會好放心，唔擔心俾人偷野。前菜：中東海鮮入座時，侍應會先送上前菜。今晚既前菜係中東海鮮，有蝦有魚，調味酸酸地，唔錯，幾開胃。冷盤磯煮鮑魚，醬汁同鮑魚好夾，鮑魚有趙口，好食(不過食得多會滯，唔可以太貪心)。有一隻龍蝦好難起肉，d龍蝦肉痴住個殼，另一隻就比較容易起肉，但無乜龍蝦味。帶子唔錯，但無乜帶子味。蝦、青口、螺一般。我地都同意蟹腳蟹鉗既肉質好實，好似雪/擺得太耐，唔好食。整體而言，冷盤都係食唔出食材本身鮮味，只係口感唔錯。刺身帶子一D都唔會孤寒，原粒介開，大粒，爽滑鮮甜，好味。其他刺身都係標準(優於放題質素)。熱盤燒牛油大蝦，好香既牛油味，配埋醬汁，好食。蒜蓉粉絲蒸扇貝，第一轉拎既可能焗得太耐，豉油太甜，同埋有幾條粉絲係乾哂。第二轉拎既唔錯。煮青口，一般。辣肉腸好硬，唔好食。希臘八爪魚肉丸，幾好。燒美國有骨肉眼，肉質嫩滑，好有咬口，食落好有牛味又有肉汁，係我暫時食過最好食既一間。咖喱雞上脾，嫩滑唔
前菜：中東海鮮
入座時，侍應會先送上前菜。今晚既前菜係中東海鮮，有蝦有魚，調味酸酸地，唔錯，幾開胃。
冷盤
磯煮鮑魚，醬汁同鮑魚好夾，鮑魚有趙口，好食(不過食得多會滯，唔可以太貪心)。
有一隻龍蝦好難起肉，d龍蝦肉痴住個殼，另一隻就比較容易起肉，但無乜龍蝦味。
帶子唔錯，但無乜帶子味。
蝦、青口、螺一般。
我地都同意蟹腳蟹鉗既肉質好實，好似雪/擺得太耐，唔好食。
整體而言，冷盤都係食唔出食材本身鮮味，只係口感唔錯。
刺身帶子一D都唔會孤寒，原粒介開，大粒，爽滑鮮甜，好味。其他刺身都係標準(優於放題質素)。
熱盤
燒牛油大蝦，好香既牛油味，配埋醬汁，好食。
蒜蓉粉絲蒸扇貝，第一轉拎既可能焗得太耐，豉油太甜，同埋有幾條粉絲係乾哂。第二轉拎既唔錯。
煮青口，一般。
辣肉腸好硬，唔好食。
希臘八爪魚肉丸，幾好。
燒美國有骨肉眼，肉質嫩滑，好有咬口，食落好有牛味又有肉汁，係我暫時食過最好食既一間。
咖喱雞上脾，嫩滑唔鞋口，咖喱好惹味，配埋飯食仲好食(不過食自助餐唔會食咁多飯啦)。
咖哩芝士好煙un，脆薄餅好薄脆。
燒羊脾好硬，無羊味，難食。
吉列大蝦炸得鬆脆，蝦肉好嫩。
炸鷹嘴豆餅，好硬，唔識欣賞。
南乳炸雞，無乜南乳味，無咖喱雞咁嫩，唔好食。
甘荀薑忌廉湯，薑味唔會好重，口感好creamy，推介。
甜品
葡撻正常。
麵包布甸唔錯，只係麻麻面頭個層果醬味。
Peninsula自家出品：黑芝蔴雪糕味道太濃烈，唔太喜歡，雲呢嗱雪糕穏陣。檸檬雪葩，似益力多冰，超酸，但又幾清新，唔錯。
就食完既時候，侍應話甜品有梳乎厘，需時20分鐘，如果唔想等咁耐，最好提早問一問侍應。
梳乎厘食落真係好似食緊空氣咁，不過我更傾向原味，麻麻草莓味(唔知係咪每晚都係同一款味道呢)。
飲品: 熱咖啡，凍檸茶
(個人口味: 3.3+3.5/10)
結論：始終價錢相比其他酒店自助餐都係偏貴，所以嘗試過一次就足夠，任務完成。
張貼
