泰海鮮 (已結業)

每半年，我們都會去下食海鮮，本身想去布袋澳，但突然朋友話佢架車壞咗，唔可以揸車去咁遠食海鮮。如果呢個情況通常我哋都會去返屯門三聖邨因為有地鐵可以到，西貢流浮山等全屋交通相對來講冇咁方便。而且屯門食海鮮應該係最化算，於是又係去返成日都去泰海鮮。去咗兩次先發現原來呢度有好多種唔同嘅海鮮餐可以俾你選。我哋八個人叫咗兩個唔同嘅四人餐人人都有得食啲，基本上可以試晒大部份嘅嘢食。黑椒薑蔥桶蠔煲先上，黑椒味好勁，桶蠔好大隻應該係美國貨。海鮮湯好飲就次次都知。豉油皇鮑魚不是不好吃，而是有點韌，不過呢啲鮑魚係大連的，係幾靚，煮得不夠好。泰式瀨尿蝦好巨型，我有個朋友佢自己食咗一隻，嚇死人。奄仔蟹當然要食，唔一定要食時令嘅大閘蟹。白酒忌廉煮花甲烏冬底，當然出色，不過我比較想食炒飯，海膽炒飯好似開心少少。半年一聚，都幾開心，期待下次海鮮餐。