表叔火鍋

營業中

休息中

咁耐無揾表叔，今次帶女朋友去食，質素同半年前一樣咁高喎！湯底要咗胡椒豬肚雞，貪佢有半隻雞，唔洗再嗌雞丫嘛。勁足料，仲有啲蔬菜配料係入面，加埋胡椒嘅辣味，勁惹味！打邊爐又點可以唔啤一啤呢？同女朋友嗌咗支健力士黑啤，爽呀！肥牛 is a must 啦～ 我哋嗌咗個細嘅手切新鮮肥牛，份量一啲都唔少喎，差啲食唔晒呀。因為手切，肥牛唔似平時食嗰啲紙一般咁薄嘅牛，所以唔好煮得太耐，會好易韌。牛肉味又香又濃，一食就知係貴嘢。貪得意見到有刺身，咪試下佢個牡丹蝦刺身。雖然只係得四塊，但隻隻都係勁大勁厚，賣相好震憾下。咬落去爽口彈牙多汁，未食過咁好食既蝦刺身。糖心皮蛋本身都熟，當冷盤食都得。所以我哋都只係係湯度浸一浸就食。糖心真係好正，$10 碟好掋食呀！最後到我必嗌嘅牛骨髓，除咗打邊爐我都唔會食。滑嘟嘟口感正，成日以為自己食緊烏冬，撈埋醬油食無得勁。