Catio

營業中

休息中

一向好鍾意貓貓嘅我屋企唔俾養，唯有去下貓cafe做下半日貓奴啦😝入去之前都非常講求衛生，一係就要除鞋，一係就要着鞋套先可以入去，仲有一個好高科技嘅自動着鞋套機，好方便！一入到去就見到好多隻貓貓，隻隻都非常可愛！而且入邊亦都放咗啲玩具可以俾我哋客人同貓貓一齊玩，見到佢哋咁可愛嘅樣真係好治癒☺️☺️☺️☺️啲貓貓亦都好活潑，都好肯同人玩，甚至會跳上張枱度！所以職員都話如果上左野食，就要叫番佢哋落枱喇🤣唔係啲為食貓真係會偷食！食物方面我哋叫咗個冬陰功燉雞意粉同蘑菇白汁意粉，蘑菇白汁意粉就正常發揮，但冬陰功燉雞意粉就有驚喜，辣辣地幾惹味😋飲品方面就叫咗杯flat white同埋伯爵奶茶，喺Cafe食到呢個質素真係相當唔錯！不過黎呢間餐廳嘅重點當然係同貓貓玩啦！職員亦都會同我哋講每隻貓有咩特點，可以點樣同佢哋玩，呢度有得食又有得玩貓又有得打卡👍🏻👍🏻正呀！