影片
更多
2013-12-09
524 瀏覽
素聞九龍區有家私房菜做得有聲有色，不少朋友去過都大讚，這家私房菜最近轉型，且搬了去銅鑼灣，找個機會去試了。 店名「水月」，一聽就知係作狀嘢，不過沒問題，我是OK作狀嘢的，對份子料理也從不抗拒。 收費不算費＄548一位，不加一，開瓶費＄100一支，我們5 人，竟然要收一半deposit …… 是但，好食就得。 頭盤，話梅蕃茄、蕃茄啫喱、蠔葉，聽個名都知係吃乜，片蠔葉說是跟蠔一起生長的，所以有蠔味，上面的泡是海鹽泡，同你講好食都冇人信，一片葉可以有幾好食，勝在新奇。 第二道菜，白松露脆卷配炒蛋，所謂脆卷，腍嘅，裡面fill 咗有白松露味的醬，老細說一啖卷，一啖蛋，可以令到蛋更加香，真係想反眼，快快趣趣扒完碟蛋算，早餐一樣，但係又冇翠華炒得咁滑，仲要跟兩隻鵪𪂹蛋，收買人命，完全唔知諗咩，我勸他們永遠將這道菜掉落鹽水海罷啦。 龍吐珠，呢味幾好食，蝦膠包龍眼包蟹籽，俗啲講句有幾重口感，不錯；最錯是個plating ，將兩粒嘢放喺個灰色膠盒裡面，骷髏頭堡一樣，好得意麼？ 大閘蟹肉鵝肝雲吞配冬瓜湯，先飲湯，後食雲吞，然後食旁邊的蟹粉蟹肉，冬瓜湯冇得錯，夠熱就得，隻雲吞個皮咁薄都可以硬繃繃都真係幾難，
收費不算費＄548一位，不加一，開瓶費＄100一支，我們5 人，竟然要收一半deposit …… 是但，好食就得。
頭盤，話梅蕃茄、蕃茄啫喱、蠔葉，聽個名都知係吃乜，片蠔葉說是跟蠔一起生長的，所以有蠔味，上面的泡是海鹽泡，同你講好食都冇人信，一片葉可以有幾好食，勝在新奇。
第二道菜，白松露脆卷配炒蛋，所謂脆卷，腍嘅，裡面fill 咗有白松露味的醬，老細說一啖卷，一啖蛋，可以令到蛋更加香，真係想反眼，快快趣趣扒完碟蛋算，早餐一樣，但係又冇翠華炒得咁滑，仲要跟兩隻鵪𪂹蛋，收買人命，完全唔知諗咩，我勸他們永遠將這道菜掉落鹽水海罷啦。
龍吐珠，呢味幾好食，蝦膠包龍眼包蟹籽，俗啲講句有幾重口感，不錯；最錯是個plating ，將兩粒嘢放喺個灰色膠盒裡面，骷髏頭堡一樣，好得意麼？
大閘蟹肉鵝肝雲吞配冬瓜湯，先飲湯，後食雲吞，然後食旁邊的蟹粉蟹肉，冬瓜湯冇得錯，夠熱就得，隻雲吞個皮咁薄都可以硬繃繃都真係幾難，裡面有大閘蟹肉和鵝肝？但是所謂鵝肝不是Fori Gars ，是不是鵝肝醬呢？還是潮州滷水鵝肝呢？還是那個雲吞皮是用鵝肝做呢？然後羶到冇朋友，失敗。 伴碟那些是鎮江醋噌喱比較特別，那隻炸蟹仔平常是不會食的，俾面那堆紫蘇泡，不過真的要小心摻親。
麻籽烤威爾斯羊架，呢味係好食，四川麻籽加落羊架，食個配搭未食過，肉質鮮嫩，麻麻哋，感覺冇咁肥膩。
甜品時間，先來糖燈，糖霜做成的球體，裡面有mousse ， 隔離枱個少女食到嘩嘩聲，我第一次喺Robuchon 見到呢個波都有呢種感覺，但這裡照做便變成沒有創意可言。
朱古力泥，煙薰過的朱古力味道幾特別，用骰盎形式上枱，每枱都扮賭神，有得食有得玩是不錯的。 論價錢不算貴，但食物就⋯⋯可以不那麼整色整水會好一點，我們單點的口水低溫鴨胸，是做得蠻不錯的。 會不會再來？ 很難說。
張貼
