K-Pop snack (已結業)

我一直在想炸雞可以叫外賣嗎？送到呢啲悶氣會否令隻雞都唔脆喇？ 但呢個已經唔係我要擔心嘅事情。原味炸雞配甜味蒜頭炸雞一隻 $191，送到來，隻雞好似嚴重營養不良咁。諗住可能隻雞好滑呢，通常呢啲細雞肉質比較嫩滑， 點知又嚡又乾點食呀。 其實炸雞都可以好juicy ，但佢唔識炸囉 。原味雞配honey mustard 醬，正常味。 甜味蒜頭雞完全冇蒜頭味喎。 大家唔需要因為佢係蒜頭味而點佢，因為真係無 garlic 味。佢個sweet garlic 醬非常甜非常稠，好似麥芽糖質地咁，仲包到隻雞冚一冚，得個甜， 做乜將隻炸雞搞到咁啫？芝士辣炒年糕$74，芝士係真係多，呢點要讚。 個甜辣味幾好食， 甜辣適中，但係年糕得十嚿？ 分量少得可憐 ，魚餅好似浸咗好耐，淋到好恐怖 。好似小時候食7-11浸咗好耐， 脹到就嚟爆炸嗰啲魚蛋咁。Tuna kimbap $54， 第一個感覺係點解會咁鬆散 ？？ 夾一嚿出嚟，跌曬啲料 。 吞拿魚嘅比例極少，而且吞拿魚嗰個沙律汁唔夠， 冇乜味 。kimbap 好乾， 為咗掩飾佢太乾，佢喺紫菜面加咗好多油 。食到成口油好奇怪。呢間餐廳，我覺得佢每樣都做少少，差少少。