諾亞半熟蛋糕專門店 (已結業)

今次第一次食半熟蛋糕, 佢哋仲出咗一隻好靚嘅盆栽蛋糕, 買嚟送畀人都開心。 半熟蛋糕要咗個伯爵茶味, 盆栽蛋糕 有朱古力、玫瑰花、仙人掌、草莓花四款畀人揀， 當然要咗個玫瑰花, 其實見到咁靚都有啲唔捨得食。玫瑰花盆栽蛋糕$24 , 真係好似個盆栽，連隻匙羹都係個泥鏟。 上面幾粒玫瑰花 cream 本身冇乜味，就係好重奶油味。 上邊有好多木糠碎，好似泥土咁， 原來下面係一個原味cupcake，味道不錯， 但食到中間就好有驚喜， 中間有一層玫瑰花蓉， 夾埋個蛋糕食變得清香無比， 呢個玫瑰花蓉絕對係呢個cupcake嘅精髓。輪到我恨咗食好耐嘅主角伯爵茶半熟蜂蜜蛋糕$78。 店員教食之前最好拎出嚟解凍20至25分鐘, 等佢裏面嘅流心融解。喺雪櫃拎出嚟切嗰時又真係feel到中間硬硬地嘅, 切完之後見到佢面頭嗰層流心係特別深色嘅， 好期待佢25分鐘之後會係咩樣。大約25分鐘之後終於可以食啦， 真係唔使焗都變咗個流心蛋糕， 見到佢啲流心一滴一滴咁流出嚟， 就忍唔住要即刻擺入口啦。其實佢個伯爵茶味本身聞上去都好香，拎上手就已經感覺到佢個蛋糕較濕潤同軟綿綿， 一啖放入口好似唔使咬咁就已經分開咗個蛋糕啦，