影片
更多
2019-01-27
307 瀏覽
可能適合對象：#日本蛋糕大師 #過江龍 #半熟芝士蛋糕 #紫醉金迷紫薯忌廉撻 甜度（5星最甜）：⭐️⭐️⭐️⭐️濃度（5星最濃）：⭐️⭐️⭐️⭐️🍴：餐刀 ✔️ / 蠟燭 ✔️ / 冰袋 ✖️/ 紙盒✔️🏷：✔️（另加3蚊）💬：環境幾得意，一入門口似大家樂咁，但較左行入啲，經過賣包嘅位置，會有一個Corner似Coffee Shop，可以坐底食件餅。店員好好，當小編唸緊食咩時，佢哋會推薦邊款好食。幾Welcome，Nice！🛒：中環 #cakeup_中環站🔘：件裝/ 個裝（約1磅左右。一日前親身或打電話嚟預訂。）————————————————————性價比：中上日本又一過江龍嚟香港開餅店，一眼望埋去餅櫃，會有少少係日本超級市場睇蛋糕嘅感覺。如果你哋唔知，𠵱間餅店雖則係日本品牌，但係其間個底係翠華同𠵱間餅店聯手嘅。不過唔好俾翠華個名令你卻步，蛋糕質素都算係OK。而佢哋有大蛋糕賣嘅款式暫時唔多，只有5款，包括草莓北海道忌廉蛋糕（$330），半熟芝士忌廉芝士蛋糕（$320），抹茶忌廉蛋糕（$280），朱古力忌廉蛋糕（$280）同紫薯忌廉撻（$220）。而今日試嘅，就係有出細版嘅兩款：半熟芝士蛋糕同紫薯忌廉撻。半熟芝
甜度（5星最甜）：⭐️⭐️⭐️⭐️
濃度（5星最濃）：⭐️⭐️⭐️⭐️
🍴：餐刀 ✔️ / 蠟燭 ✔️ / 冰袋 ✖️/ 紙盒✔️
🏷：✔️（另加3蚊）
💬：環境幾得意，一入門口似大家樂咁，但較左行入啲，經過賣包嘅位置，會有一個Corner似Coffee Shop，可以坐底食件餅。店員好好，當小編唸緊食咩時，佢哋會推薦邊款好食。幾Welcome，Nice！
🛒：中環 #cakeup_中環站
🔘：件裝/ 個裝（約1磅左右。一日前親身或打電話嚟預訂。）
————————————————————
性價比：中上
日本又一過江龍嚟香港開餅店，一眼望埋去餅櫃，會有少少係日本超級市場睇蛋糕嘅感覺。如果你哋唔知，𠵱間餅店雖則係日本品牌，但係其間個底係翠華同𠵱間餅店聯手嘅。不過唔好俾翠華個名令你卻步，蛋糕質素都算係OK。而佢哋有大蛋糕賣嘅款式暫時唔多，只有5款，包括草莓北海道忌廉蛋糕（$330），半熟芝士忌廉芝士蛋糕（$320），抹茶忌廉蛋糕（$280），朱古力忌廉蛋糕（$280）同紫薯忌廉撻（$220）。而今日試嘅，就係有出細版嘅兩款：半熟芝士蛋糕同紫薯忌廉撻。
半熟芝士蛋糕 💰：$32 / $320
對蛋糕有啲了解嘅人，一眼睇到個名，可能會令你聯想到半熟工房，但係小編問過，其實係冇「La Lung」嘅。而我食完，第一口感覺，好味！面層嘅Cream 好香牛奶味，唔漏，配埋芝士蛋糕，好有效果。芝士蛋糕甜中帶滿滿嘅芝士香，綿感足夠，有少少適中嘅漿口感，但唔嚴重。而底部餅底OK，夠脆口硬淨，有牛油香，餅底仲夾有驚喜，有原粒榛子係入面，正喎。好少會餅底加入原粒榛子去做，從而增加口感，特別。整體糕身好軟熟，好軟綿綿。由面嘅軟身輕飄飄嘅Cream，到中間半軟熟嘅芝士蛋糕，再到底嘅硬淨餅底，口感好分明。$32蚊，食晒軟綿硬嘅層次，Good！一個人食一件，算接受。
紫醉金迷紫薯忌廉撻
💰：$35 / $220
好香紫薯味呀喂，好香，好味。甜就甜啲啲，但口感好溫馨！佢啲紫薯係泥嘅質感，粉粉哋（即係好似芋泥咁）。加埋入面有好味嘅忌廉，好融為一體。正當條脷俾紫薯泥冚住時，黑加侖子醬個Fresh會hit到條脷。而我亦都好欣賞佢個底，係撻底，好好味。𠵱款蛋糕仲只係香港限定，值得一試，好味！好豐富嘅紫薯泥，好多，好味。而佢體形較為長身，屬於大件頭，我覺得兩個人Share會好啲，會有啲「點到即止」嘅感覺。一個人食可能就會有少少覺得「乜食咗咁多啖，都仲未食完嘅」
總結：唔錯，蛋糕好味，高質。服務都好好，就算嗌完蛋糕，店員會攞埋上檯俾你。但在蛋糕上檯時，覺得可以高格調啲。例如堂食，可以幫客人攞走埋張包蛋糕嘅膠紙，同埋可以攞走埋放底嘅底紙同膠底盤。其實人類一小步，個感覺會好好多。同埋其實佢仲有好多款蛋糕，我都好想試，包括紅莓吉士盒同 Cream Puff。睇吓遲吓有機會，再開心Share！ ————————————————————
#cake #birthday #蛋糕 #生日 #生日蛋糕 #birthdaycake #hongkong #hkig #香港 #香港限定 #hkbakery #caketionary #caketionaryhongkong #呃like #相機食先 #假日好去處 #驚喜
半熟芝士蛋糕
$32
34 瀏覽
0 讚好
0 留言
紫醉金迷紫薯忌廉撻
$35
29 瀏覽
0 讚好
0 留言
張貼
