BLT Steak (已結業)

呢日約咗我個好閨蜜去尖沙咀食飯，好耐冇嚟海港城，而家變到靜英英。我哋揀咗食午市半自助buffet，喺menu揀主菜一份，前菜/甜品/餐湯出去自取。order好主菜後店員會送上一份餐包同牛油，牛油非常出色好滑，搽麵包一流。✨前菜有多款凍肉以供選擇，蔬菜類又多，我最鍾意就係蟹肉配餅乾好鮮味。✨南瓜湯非常好飲，質感creamy好香好滑。✨七味黑胡椒安格斯牛肉漢堡漢堡好大份，塊牛肉又厚，仲可以揀熟成度，我哋呢塊係五成熟剛剛好，肉嫩多汁勁有牛味，醬汁好惹味。✨薯條熱辣辣炸得香脆，而且份量又多，唔錯 。✨烤雞肉三文治雞肉係用雞胸，感覺健康啲，配上有點辣又帶有特色嘅醬汁，好好味。