Running 燒 (已結業)

聽講將軍澳開左間新嘅running 燒，上星期就同朋友去試下。呢間分店同旺角唔同，比較寬敞，而且有自助餐bar，裏邊有蔬菜、熟食、甜品供應。所以感覺就較為舒服一啲。講返嘢食先，餐廳採用二維碼落單，所以唔怕店員忙嘅時候冇辦法應你。以下講幾樣值得推介嘅食物：1️⃣牛五花 ⭐️⭐️⭐️⭐️用蒜蓉調味嘅牛五花，食落無渣，入味，又快熟。2️⃣炸雞⭐️⭐️⭐️⭐️⭐️餐廳嘅炸雞係即叫即炸，食落有調味，不過個辣汁真係幾辣，唔食得辣嘅朋友要注意啦。3️⃣辣醬豬頸肉 ⭐️⭐️⭐️⭐️雖然叫辣醬豬頸肉，但其實就唔係好辣，識落都有豬頸肉個種爽口嘅感覺。唔錯。總括嚟講，如果地理位置許可，將軍澳呢間分店食得更為舒服，味道就同旺角嗰間差唔多。都推介大家去試一試！